Pas vendimit për aplokim të mjeteve nga Asambleja e Prishtinës të të hyrave të vitit 2024 në vlerë prej 28 milionë euro, kryetari i kryeqytetit, Përparim Rama, ka deklaruar se pret që ministri në detyrë i Financave, Hekuran Murati, ta mbajë fjalën dhe t’i alokojë mjetet e aprovuara.
Rama gjithashtu ka bërë të ditur se pret nga Murati të lirojë edhe 35 milionë euro të tjera, për të cilat ai thotë se janë ende të bllokuara dhe nuk kërkojnë asnjë procedurë shtesë në Asamble, por vetëm vendimin e ministrit.
“Miratohen në Asamblenë e Kryeqytetit të hyrat e vitit 2024 në vlerë prej 28 milionë euro! Uroj që ministri në detyrë ta mbajë fjalën për alokimin e mjeteve të votuara sot. Si dhe 25M të hyra vetanake dhe 10M grant qeveritar, në total 35Milion që ende mbahen të bllokuara dhe që nuk kërkojnë asnjë procedurë në Asamble, por vetëm vullnetin e ministrit në detyrë për miratim”, ka shkruar ai në Facebook.
Kuvendi Komunal i Prishtinës të enjten në një seancë të jashtëzakonshme ka votuar për bartjen e mjeteve vetanake nga viti 2024 në vitin 2025 që kapin vlerën e 28 milionë eurove.
Për votuan 38 asamblistë e një abstenoi.
