Pas raportimeve të fundit se Juventusi ka shprehur interesim për Granit Xhakën, drejtuesit e Sunderlandit kanë marrë vendim për të ardhmen e mesfushorit shqiptar.
Juventusi kohët e fundit po e sheh Xhakën si përforcim të duhur për mesfushën dhe për transferimin e tij në afatin kalimtar të janarit, ishte gati të ofronte 20 milionë euro.
Megjithatë, Sunderlandi e sheh Xhakën si lojtar tejet të rëndësishëm dhe nuk e ka ndërmend ta lirojë për asnjë çmim.
Mësohet se Xhaka vlerësohet lart te skuadra angleze, e cila e sheh si pjesë të rëndësishme të planeve të klubit dhe do të refuzojë të gjitha ofertat për 33-vjeçarin.
Xhaka është kapiten i Sunderlandit dhe njëri jo vetëm prej lojtarëve kryesor të ekipit, por edhe ndër mesfushorët më të vlerësuar këtë sezon në Premier League.
Ai iu bashkua Sunderlandit para fillimit të këtij sezoni nga Bayer Leverkuseni dhe ka kontratë deri në verën e vitit 2028.
Në 12 paraqitje këtë sezon në kampionatin anglez, Xhaka ka shënuar 1 gol dhe ka bërë 3 asistime.
