Max Verstappen ka mbajur veten në garë për titull me fitoren në Çmimin e Madh të Las Vegasit, ndërsa dyshja e McLarenit, Lando Norris dhe Oscar Piastri, u skualifikuan më vonë nga rezultatet.
Norris dhe Oscar Piastri, janë skualifikuar nga Çmimi i Madh i Las Vegasit, pasi u zbulua se të dy makinat e tyre nuk përmbushnin rregulloret teknike.
Kështu që, komisionerët skualifikuan të dy makinat nga rezultati zyrtar, me Norris që përfundoi i dyti dhe Piastri i katërti.
Si rezultat i kësaj, fituesi i garës Max Verstappen ka bërë një përparim të konsiderueshëm në lidhje me titullin e kampionit, pasi piloti i Red Bull tani është në të njëjtin nivel pikësh me Oscar Piastri – 366.
Lando Norris është 24 pikë përpara me 390 në krye të renditjes me vetëm dy gara të mbetura deri në fund të këtij sezoni në F1.
Diskualifikimi i Norrisit dhe Piastrit, ka bërë që pozita e dytë në garën e Las Vegasit ti takojë George Russellit derisa në të tretën ka përfunduar Kimi Antonelli, të dy pilotë të skuderisë së Mercedesit.
