Pesë shoferë janë gjobitur për shkelje të rënda trafiku në rajonin e Ferizajt, ka bërë të ditur Policia e Kosovës përmes një komunikate.
Të ndëshkuarit janë të moshës 30, 31, 39 dhe 40 vjeç dhe secili prej tyre është gjobitur me nga 200 euro, përveç pikëve negative dhe pezullimit të patentë-shoferit.
Sipas Policisë, kontrollet janë zhvilluar më 22 nëntor 2025 në Shtime dhe Ferizaj, ku janë evidentuar disa shkelje të rënda të rregullave të qarkullimit:
“Policia Rajonale e Ferizajt u ka bërë thirrje shoferëve të respektojnë shenjat e komunikacionit dhe kufizimet e shpejtësisë, duke theksuar se tejkalimi i shpejtësisë, tejkalimet e rrezikshme dhe përdorimi i telefonit në timon paraqesin rrezik serioz për jetën dhe pronën e qytetarëve”, thuhet në njoftim./teve1.info/
