Ndeshja dramatike e xhiros së 11-të të elitës së futbollt gjerman ndërmjet Dortmundit dhe Stuttgartit ka dhuruar gjashtë gola, por jo edhe fitues.
Dortmund dhe Stuttgarti barazuan 3:3 në stadiumin “Signal Iduna Park” të shtunën në mbrëmje dhe mbesin me pikë të njëjta lartë në tabelë.
Të dyja skuadrat kanë nga 22 pikë.
Emre Can dhe Maximilian Beier shënuan në pjesën e parë për Dortmundin, ndërsa Deniz Undav, i cili realizoi “hat-trick”, i barazoi shifrat në 2:2 fillimisht.
Karim Adeyemi e kaloi Dortmundin sërish në epërsi 3:2 në minutën e 89-të, por Undav shënoi në minutën e parë shtesë për ta bërë edhe më dramatik ballafaqimin.
