Të mërkurën, më 26 nëntor, janë ndeshjet e para në IHF Trophy për Zonën Evropiane për hendbollistet deri në 17 vjet.
Ndeshjet luhen në Pallatin e Rinisë dhe Sportit në Prishtinës. Pos Kombëtares së Kosovës marrin pjesë edhe Azerbajxhani, Belgjika, Bullgaria dhe Britania e Madhe.
Pritet garë e fortë dhe interesante për titullin e kampionit. Fituesi i Zonës Evropiane kualifikohet për IHF Trophy Intercontinental, ndërsa fituesi i fazës ndërkontinentale kualifikohet në Botërorin e kësaj grupmoshe.
Në ditën e parë, të mërkurën, janë ndeshjet Britania e Madhe – Azerbajxhani (15:00) dhe Kosova – Bullgaria (17:00).
Gara për Kombëtaret U17 zhvillohet çdo ditë deri të dielën, më 30 nëntor. Luan secili me secilin dhe në fund Kombëtarja me më së shumti pikë shpallet kampione.
Kombëtarja jonë U17 është mbledhur sot në Prishtinë.
Ndërkohë prej 2 deri më 6 dhjetor, po në Pallatin e Rinisë në Prishtinë mbahet IHF Trophy për Zonën Evropiane për hendbollistet deri në 19 vjet. Pos Kombëtares sonë marrin pjesë edhe Belgjika, Bullgaria, Gjeorgjia dhe Britani e Madhe. Edhe për 19-vjeçaret ngjarja është kualifikuese për Botëror.
