Ish-deputeti i PDK-së, Xhavit Haliti, ka bërë një thirrje për mobilizimin e strukturave dhe mbështetësve të partisë, duke theksuar se PDK-ja vazhdon të jetë një forcë e rëndësishme me vlera kombëtare dhe shtetformuese.
Ai ka theksuar se situata aktuale kërkon angazhim të gjithëmbarshëm për t’i dhënë fund, siç e ka quajtur ai, keqqeverisjes dhe për t’ua rikthyer qytetarëve besimin.
Në vijim, ai ka ftuar qytetarët dhe aktivistët e PDK-së të bashkohen në këtë proces, duke theksuar se momenti për veprim është i tanishmi.
“PDK mbetet forca e madhe e vlerave kombëtare dhe shtetformuese.
Ftoj qytetarët dhe çdo aktivist të PDK-së për mobilizim. Koha është tani.
T’i japim fund keqqeverisjes. Ta kthejmë shtetin në binar. Qytetarëve t’ua rikthejmë shpresën”, ka shkruar Haliti./teve1.info/
