Pas vendimit të Supremes rreth liberalizimit të energjisë elektrike, Oda Ekonomike të martën mbajti konferencë për media.
E nga këtu, kryetari i kësaj Ode tha se vendimi për daljen në treg të hapur ka dëmtuar ekonominë e vendit.
Prandaj ai bëri thirrje Zyrës së Rregullatorit të Energjisë Elektrike qe të zbatoj vendimin e Supremes
“Ne i bëjë thirrje si Odë Ekonomike, Zyrës së Rregullatori të Energjisë Elektrike, të zbatoj vendimin e Gjykatës Supreme ashtu siç është shkruar, pasi është aktvendim i formës së prerë. Ne si Odë Ekonomike jemi të gatshëm të ulëm dhe të caktojmë datën se kur do të dalim në treg të lirë. Pra nuk jemi kundër dalje në treg të lirë”, ka thënë Rafuna .
Sipas tij çështja e daljes në treg të lirë është kthyer në pikën zero.
“Çështja e tregut të lirë është kthyer në pikë zero tani Zyra e Rregullatorit të Energjisë Elektrike është dashur që KEDS-in ta njoftojë dhe të kthejë në çmimin e rregulluar të gjitha këto bizneset pra 1 mijë e 300 biznese të cilat kanë dalë në tregun e lirë dhe duhet të rregullojë bazën e qartë ligjore poashtu në bashkëpunim me ne të caktojmë një datë të caktuar”, është shprehur tutje Rafuna.
Sipas avokatit të këtij rastit, Ekrem Hoxha, ZRRE si ka plotësuar disa kritere.
“Kriteri kryesor ai i analizës së konkurrencës, pra kemi konkurrencë reale apo jo, duhet të bëhet nga Autoriteti i Konkurrencës, Zrre me vetë dije apo jo e ka anashkaluar këtë vendim dhe vetë e ka konstatuar se ka konkurrencë”, ka thënë Hoxha .
Prandaj sipas tij duhet që së më parë të zbatohet vendimi i Supremes.
“ZRRE tani e tutje duhet ta njoftoj KESCO-n që baza ligjore për fillimin e procesit të liberalizimit të energjisë ka rënë në desh me ligjin dhe procedurat e aplikuara dhe ne presim që ZRRE të respektoj këtë akt gjykim”, ka thënë tutje Hoxha.
Por nga Zyra e Rregullatorit të Energjisë Elektrike, thonë që liberalizimi i energjisë elektrike ende është në fuqi.
“Rrjedhimisht, procesi i liberalizimit të tregut të energjisë elektrike vazhdon, krahas vlefshmërisë së kontratave ekzistuese të konsumatorëve në treg të hapur, të cilat vazhdojnë të mbeten në fuqi”Poashtu Gjykata Supreme e Kosovës ka shfuqizuar dy dispozita të Udhëzuesve për Liberalizimin e Tregut të Energjisë të viteve 2017-2019 pasi që ka konstatuar se ato nuk janë të harmonizuara me legjislacionin e energjisë. ZRrE është duke ndjekur procedurat e brendshme ligjore për shfuqizimin e këtyre dispozitave”, kanë thënë nga zyra e rregullatorit.
Supremja ka marrë vendim që të shpallë të paligjshëm nenin 8 të Udhëzuesit për Liberalizimin e Tregut të Energjisë Elektrike, të datës 18 janar 2017. Si dhe ka shpallur paligjshëm dhe u shfuqizua neni 2 i Udhëzuesit për Ndryshimin dhe Plotësimin e Udhëzuesit për Liberalizimin e Tregut të Energjisë.
