Dyzet e pesë pelegrinë indianë kanë humbur jetën pasi autobusi me të cilin udhëtonin u përfshi nga flakët në një aksident pranë Medinës në Arabinë Saudite, tha komisioneri i policisë së qytetit Hyderabad të Indisë.
Autobusi kishte 46 pasagjerë, tha VC Sajjanar në një konferencë për shtyp, duke shtuar se një burrë që i mbijetoi aksidentit ishte shtruar në një njësi të kujdesit intensiv në një spital lokal.
Shumica e viktimave janë nga Hyderabad, i cili ndodhet në shtetin jugor të Telanganës.
Pelegrinët po udhëtonin nga qyteti i shenjtë islamik i Mekës për në Medinë kur ndodhi aksidenti, tha qeveria e Telanganës në një deklaratë.
Ata kishin shkuar në Arabinë Saudite për pelegrinazhin e Umres, raporton BBC.
Sajjanar tha se 54 persona kishin udhëtuar nga Hyderabadi në Xheda më 9 nëntor për pelegrinazh. Nga këta, katër persona qëndruan në Mekë, ndërsa katër shkuan në Medinë me makinë. 46 personat e mbetur udhëtuan me autobus.
