Kryetari i bashkisë në largim i Nju Jorkut, Eric Adams, tha gjatë vizitës së tij në Izrael se ai “u kishte shërbyer” hebrenjve izraelitë si kryetar i bashkisë së qytetit amerikan.
“Doja të kthehesha këtu në Izrael dhe t’ju njoftoja se ju kam shërbyer si kryetar bashkie”, tha Eric Adams të dielën në Jerusalemin Lindor të pushtuar.
Adams u nis nga Nju Jorku të shtunën për “një udhëtim disaditor” në Izrael për t’u takuar me zyrtarë qeveritarë dhe për të vizituar vende fetare, sipas zyrës së tij.
“Por dua të vazhdoj ta kem titullin që është më i rëndësishëm për mua se çdo gjë tjetër: Unë jam vëllai yt”, tha Adams, citon Anadolu.
Ai do t’ia lërë detyrën pasardhësit të tij, kryetarit të zgjedhur të bashkisë Zohran Mamdani, më 1 janar 2026.
I zgjedhur më 4 nëntor, Mamdani, 34 vjeç, u bë kryebashkiaku i parë mysliman dhe nga Azia Jugore i qytetit më të madh të vendit.
