Ushtria izraelite nisi sulme ajrore në Libanin jugor të enjten herët, pavarësisht një armëpushimi ekzistues, raportojnë mediat lokale.
Agjencia Shtetërore e Lajmeve ka thënë se aeroplanët izraelitë kanë goditur zonën Al-Khanouk të komunës së Aitaroun në distriktin Nabatieh me raketa ajër-tokë.
Ushtria izraelite pohoi se ka goditur një depo armësh dhe dy vende infrastrukturore që pohon se përdoreshin nga Hezbollahu në Libanin jugor.
Nuk ka pasur komente të menjëhershme nga autoritetet libaneze apo Hezbollahu në lidhje me pohimet e Izraelit, raporton Anadolu.
Tensionet po rriten gjersa ushtria izraelite intensifikon sulmet pothuajse ditore në territorin libanez, gjersa pohon se po targeton anëtarët e Hezbollahut dhe infrastrukturën e tyre.
Ushtria izraelite ka vrarë më shumë se 4,000 persona dhe ka plagosur afër 17,000 në sulmet ndaj Libanit, të cilat filluan në tetor të vitit 2023 dhe kaluan në ofensivë të plotë në shtator të 2024.
Pas një armëpushimi të nënshkruar në nëntor 2024, ushtria izraelite supozohej të tërhiqej nga Libani jugor në janar, por në vend të kësaj ajo u tërhoq vetëm pjesërisht dhe vazhdon të mbajë prezencën ushtarake në pesë pika kufitare.
