Tottenham Hotspur dhe Manchester United kanë ndarë pikët në një ndeshje dramatike, që përfundoi me rezultat 2:2, pas një përmbysjeje dhe kundërpërmbysjeje në minutat e fundit.
United kaloi në epërsi në minutën e 32-të me golin e Bryan Mbeumos.
Kur dukej se “Djajtë e Kuq” do të merrnin tre pikët, Mathys Tel barazoi rezultatin në minutën e 84-t, pasi hyri si zëvendësues dhe i dha frymë të re skuadrës vendase.
Vetëm pak minuta më vonë, Richarlison përmbysi rezultatin në minutën e 90+1’, duke ndezur festën në stadiumin e Tottenhamit.
Megjithatë, drama nuk përfundoi aty — Matthijs de Ligt barazoi në minutën e 90+6’, duke i siguruar Unitedit një pikë në sekondat e fundit të takimit.
Pas këtij barazimi, Tottenhami renditet në vendin e tretë me 18 pikë, aq sa ka edhe Manchester United, që mban pozitën e shtatë në tabelën e Premier League-s.
