Ditën e shtunë do të luhen dy përballje në kuadër të javës së 13-të të Superligës, njëra në Skënderaj e tjetra në Podujevë.
Në “Bajram Aliu”, Drenica do t’i bëjë konak Ballkanit.
Drenica barazoi pa gola me Prishtinën e Re xhiron e kaluar, derisa barazim pati edhe
Ballkani.
Të besuarit e Orges Shehut barazuan me Ferizajn në Suharekë.
Ndeshja e parë mes këtyre dy skuadrave këtë sezon u mbyll 3-0 në të mirë të Ballkanit.
Në anën tjetër, në “Zahir Pajaziti”, Llapi i bën konak Prishtinës së Re.
Llapi vjen në këtë përballje pas humbjes nga Drita në Gjilan, ndërsa Prishtina e Re barazoi me Drenicën.
Një nga dy fitoret e vetme në Superligë këtë edicion, Prishtina e Re e ka ndaj Llapit (1-0 në shtator).
Megjithatë, që tetë ndeshje kjo skuadër nuk ka asnjë fitore (gjashtë humbje, dy barazime).
Të dy ndeshjet nisin nga ora 13:00.
