Tani e mbajnë vetëm si kujtim familjar.
E për mbi një shekull, shumë banorëve të Panorcit të Malishevës, kafja iu shërbye me një xhezve.
Por, si përfundoi në Kosovë, ajo enë që u punua në shtetin e Jemenit?!
“Kjo është një xhezve të cilën babagjyshi i babait tim e ka sjellë nga Jemeni. Në bazë të datës së lindjes së babagjyshit, kjo xhezve është sjellë rreth vitit 1890-të….. Ka qenë ushtar i turkut 7 vite kur e ka sjellë dhe krejt vendasit këtu e kanë përdor për me përgatit kafe”, tregon banori i Panorcit, Asllan Bajrami.
Por, sa kafe zinte kjo enë që u përdor për mbi 100 vjet?
“Është punim nga bakri dhe sikur Espresso (madhësia e filxhanit) i zë diku 9 kafe. Nuk është e vrimosur sepse e kemi përdor derisa para luftës për kafe”, tregoi Bajrami.
Profesori i kimisë, thotë se nga përfundimi i luftës, nuk e përdorën më këtë enë bakri.
Por, me xhelozi e ruajnë si shenjë të trashëgimisë familjare.
“Ne e ruajmë si kujtim të së kaluarës, për arsye pasi babagjyshi ka qenë njëri i njohur dhe xhezven e kemi ruajtur mes gjërave të çmuara gjatë luftës”.
Ndryshe, gjatë luftës së fundit në Kosovë, janë marrë 1247 eksponate nga regjimi serb.
