I dyshuari për vrasjen e dyfishtë të vëllezërve në Malishevë, Astrit Isufi, ndodhet aktualisht në gjendje stabile shëndetësore.
Këtë e konfirmoi për Tëvë1 drejtori i Emergjencës, Naser Syla.
“I dyshuari ndodhet në gjendje stabile. Do t’i kryhen të gjitha ekzaminimet e nevojshme, ndërsa më pas do të transferohet në Klinikën Abdominale,” – tha Syla.
Ndërkohë, hetimet për këtë rast tragjik vazhdojnë nga Policia dhe Prokuroria, ndërsa i dyshuari mbetet nën kujdes mjekësor gjatë procedurave hetimore.
