Dy persona janë arrestuar në Prizren pasi u janë gjetur substanca narkotike të llojit marihuanë.
Policia ka bërë të ditur se në këtë rast është konfiskuar dhe vetura e të dyshuarve.
“Janë arrestuar dy të dyshuar meshkuj kosovarë për shkak se gjatë kontrollit u janë gjetur dhe konfiskuar 51.57 gram substanca të dyshuara narkotike të llojit marihuanë, një peshore digjitale, 180 qese plastike të zbrazëta për paketimin e narkotikëve, para të gatshme dhe dy telefona celularë. Nga të dyshuarit është konfiskuar edhe një veturë me targa vendore, dhe të njëjtit pas intervistimit me vendim të prokurorit janë dërguar në mbajtje”, thuhet në raportin 24- orësh.
