Një 52-vjeçar është arrestuar nga Policia e Kosovës nën dyshimin për kryerjen e së paku 8 rasteve të vjedhjeve të rënda në Prishtinë.
Zëdhënësi i Policisë për rajonin e Prishtinës, Enis Pllana, ka konfirmuar lajmin për tëvë1.info, duke shtuar se arrestimi është bërë pas një pune hetimore dhe operacionale intensive.
“Sektori i Hetimeve nga Drejtoria e Policisë së Kryeqytetit pas një pune hetimore dhe operacionale ka arritur arrestimin e një personi të dyshuar për së paku 8 raste të vjedhjeve dhe vjedhjeve të rënda në Prishtinë. Puna e zyrtarëve policor ka rezultuar me arrestimin e të dyshuarit: B.C, mashkull, 52 vjeç, shtetas i Republikës së Kosovës”, ka thënë ai.
Sipas Pllanës, personi i dyshuar është dërguar në mbajtje me vendim të prokurorit të shtetit, ndërkohë që hetuesit janë duke vijuar me veprimet hetimore për zbardhjen e plotë të rastit./teve1.info/
