Në pamjet e siguruara nga Tëvë1 shihet kur gazi filloj të përhapet në mes të protestueseve.
Por, gjuajtjen e tij, e kanë mohuar përfaqësuesit e Organizatës së Veteranëve të Luftës.
Enver Hajdari, thotë që ky gaz është hedhur nga dritaret e objektit të Kuvendit të Kosovës.
Por zyra për media nga Lëvizja Vetëvendosje e kanë demantuar këtë.
“Janë krejtësisht të pavërteta pretendimet dhe aludimet që dikush nga salla e Grupit tonë parlamentar ka hedhur gjësende në ditën e protestës, kjo është absurde përveçse qesharake. Në anën tjetër, jo vetëm grupi jonë ka zyret nga ajo anë. Po ashtu kjo çështje është lehtë e verifikueshme nga organet e rendit për të mos i lënë hapësirë dhe sqaruar secilin pretendim”, thuhet nw përgjigjen e Vetwvendsojes.
Edhe Policia e Kosovës ka mohuar përdorimin e këtij gazi nga zyrtarët e saj.
Sipas tyre, ky gaz lotsjellës është hedhur nga protestuesit në drejtim të zyrtarëve policor.
Në anën tjetër, mbledhjen e provave kanë filluar edhe nga Prokuroria.
“Ju njoftojmë se fillimisht, me urdhër të Prokurorit të Shtetit, është iniciuar rast në drejtim të veprës penale “Pengimi i personit zyrtar në kryerjen e detyrave zyrtare”, nga neni 401 të KPRK-së, si dhe është autorizuar policia për grumbullimin e informatave dhe provave, e që në kuadër të këtij hetimi do të hetohen të gjitha rrethanat lidhur me çështjet e ngritura dhe varësisht nga rrjedha e hetimeve, do të ndërmerren veprimet e mëtejme, konform dispozitave ligjore”, thuhet nw përgjigjen e Prokurorisw.
Tëvë1 ka kërkuar përgjigje edhe nga Kuvendi i Kosovës për këtë çështje, mirëpo të njëjtit nuk kanë kthyer përgjigje.
Raporti i gazetares Fetije Kamberi.
