Në dy vitet e fundit, erdhi disa herë në Kosovë. Edhe pritja që iu bë, ishte goxha miqësore.
Por, këto fotografi që i shkrepën në këtë vend presidentja e Kosovës, Vjosa Osmani e kryediplomati grek, Nikos Dendias, nuk u postuan në formatin e plotë në rrjetet sociale të shefit të diplomacisë greke.
Ky i fundit në fotografitë e postuar në Tuittër, e largoi pjesën ku duket flamuri i Kosovës.
Njohësit e protokollit shtetëror thonë që flamujt e shteteve nuk u vendosën në vendin e duhur.
Për këtë shefi i diplomacisë të një shteti që nuk e njeh Kosovën, e kishte të lehtë ta largonte flamurin e Kosovë
“Në vende të dukshme, shefi diplomacisë greke duhet ta ketë flamurin në krahun e djathtë, ndërsa edhe Osmani duhet ta ketë të vendosur në krahun tjetër”, tha Tomorr Avdija, njohës i protokollit shtetëror.
Ndërsa për këtë çështje, nuk kanë reaguar nga Presidenca e Kosovës e as nuk i kthyen përgjigje televizionit.
Shefi i diplomacisë greke, të mërkurën pati takim darke edhe me kryeministrin e Kosovës, Albin Kurti.
E ky i fundit deklaroi që marrëdhëniet mes dy shteteve, po afrohen çdo ditë e më shumë.
Por, çfarë do të thoshte për Kosovën një njohje eventuale nga Greqia?
Ndryshe, Dendias e vizitoi Kosovën edhe në dy vitet e kaluara.
Raporti i gazetarit Fidan Zejnullahu.
