Pas divorcit të bujshëm, Angelina Jolie dhe Brad Pitt ndodhen sërish në një përplasje të re, që burimet e afërta e quajnë një “kurs përplasjeje”.
Shkaku, sipas mediave, është vendimi i Pitt për të zgjeruar kompaninë e tij të prodhimit “Plan B” në Londër – një qytet ku edhe Jolie thuhet se ka dashur të zhvendoset prej vitesh.
Një burim për RadarOnline ka treguar se arsyeja pse Jolie nuk e ka bërë ende këtë lëvizje lidhej me pritjen që çështjet e divorcit dhe kujdestarisë të përfundonin, si dhe që binjakët Knox dhe Vivienne të mbushnin 18 vjeç.
Tani që këto kushte janë plotësuar, ajo dhe Pitt “janë në rrugë për përplasje”.
Megjithatë, sipas burimit, Jolie mund të ndryshojë planet, pasi “gjëja e fundit që ajo dëshiron është të përballet me Brad – ende ka shumë dhimbje, dhe ajo nuk mund ta harrojë apo ta falë atë.”
Thuhet gjithashtu se aktorja ka parë edhe vende të tjera në Evropë për t’u vendosur.
