Daut Haradinaj deputet i Aleancës për Ardhmërinë e Kosovës është shprehur skeptik në lidhje me mundësinë e formimit të Qeverisë Kurti III.
Ai ka theksuar se ka informacione që do të bëhet një tentativë për të siguruar vota nëpërmjet një votimi të fshehtë, duke shpresuar për ndonjë votë individuale nga deputetët.
“Duket që nuk jemi një qeveri programore që e kërkon Kosova por më shumë do të ketë qeveri të pazareve sesa programore, për këtë arsye jemi në këtë gjendje. Nëse kanë arritur gjatë natës pazare individuale ajo mbetet të shihet por mesa kam informacione do të tentohet një votim i fshehtë për shkak të ndonjë kontrabande individuale të deputetëve”, ka deklaruar Haradinaj.
