Kryetari i Kuvendit të Kosovës, Dimal Basha, në ceremoninë e organizuar mbrëmjen e së mërkurës nga Ambasada e Hungarisë në Kosovë për të shënuar Ditën Kombëtare të Hungarisë, ka shprehur mirënjohjen e thellë për mbështetjen e palëkundur të Hungarisë ndaj Kosovës.
Në fjalën e tij, Basha ka theksuar rëndësinë e miqësisë historike mes dy vendeve dhe vlerësoi rolin kyç të Hungarisë në njohjen e pavarësisë së Kosovës, si dhe përkrahjen e vazhdueshme në arenën ndërkombëtare.
Ai ka përmendur edhe programin “Stipendium Hungaricum,” përmes të cilit mbi 100 studentë kosovarë kanë pasur mundësinë të studiojnë në universitete të njohura në botë.
Basha po ashtu ka lavdëruar guximin dhe qëndresën e popullit hungarez për liri, duke e konsideruar atë frymëzim për brezat e ardhshëm, po ashtu si historia e popullit kosovar.
“Ne do të vazhdojmë të punojmë me përkushtim për forcimin e mëtejshëm të bashkëpunimit ndërmjet dy vendeve tona dhe urime popullit mik hungarez Dita Kombëtare e shtetit të tyre”, ka thënë Basha.
