Tre persona kanë pësuar lëndime trupore në një aksident komunikacioni që ka ndodhur në rrugën “Fehmi Lladrovci” të martën në Prishtinë.
Në këtë aksident janë përfshirë tri vetura, ka bërë të ditur zëdhënësi i Policisë për kryeqytetin, Enes Pllana.
“Sot rreth orës 11:00 kemi pranuar informatën për një aksident trafiku me lëndime në rrugën “Fehmi Lladrovci” në Prishtinë. Në aksident janë përfshirë tri vetura. Si pasojë lëndime kanë pësuar tre persona, të cilët kanë pranuar tretman mjekësor. Me rastin po merret Njësia e Trafikut të Kryeqytetit”, tha Pllana për teve1.info.
