Komisioni Shtetëror i Zgjedhjeve (KSHZ) në Maqedoni ka bërë të ditur se dalja në votim deri orën 13:00 është 20.12% përqind.
Sipas KSHZ-së, më shumë dalje ka në komunat Bogdanci me 27.31%, Vevçani me 33.76, Gradsko me 26.01%, Demir Kapija 29.25%, si dhe Çashka 40.74%.
Ndërkaq, dalje më të vogël ka në Veles 19.13. Vrapçisht 7.23%, Gazi Babë 18.97%, Gostivar me 11.66, Dibra me 13.87 dhe Zhelinë 17.19%.
Ndryshe, Maqedonia e Veriut mban këtë të diel (19 tetor) zgjedhjet e teta lokale që nga pavarësia.
Qytetarët do të votojnë në të 80 komunat e vendit dhe në Qytetin e Shkupit për të zgjedhur kryetarët e rinj dhe anëtarët e këshillave komunalë.
Të shtunën votuan të sëmurët dhe personat që nuk kishin mundësi të dilnin në zgjedhje, personat në shtëpitë e të moshuarve, si dhe ata që ndodhen në paraburgim ose janë duke vuajtur dënimin me burgim.
Zgjedhjet lokale të vitit 2025 janë të katërtat në të cilat zgjidhen njëkohësisht kryetarë komunash dhe këshilla komunalë në të gjitha njësitë administrative.
Maqedoni e Veriut, deri në orën 11:15 votuan 9.3 për qind e qytetarëve
