Në konferencën e dytë për shtyp sot, Komisioni Shtetëror i Zgjedhjeve (KSHZ) informoi se pjesëmarrja në zgjedhjet lokale në Maqedoni deri në orën 11:15 në territorin e vendit, sipas të dhënave nga 3,139 vendvotime, është 9.3%.
KSHZ-ja konfirmoi se deri orën 11:00 nuk janë paraqitur probleme të cilat mund të ndikojnë në pengimin e procesit zgjedhor.
Ndërkohë, sipas KSHZ-së dalje më të madhe ka pasur në komunat Berovë 13.52%, Bogdanci 14.55%, Manastir 10% dhe Vevçani 16.02%,.
Komunat që kanë dalje më të vogël në zgjedhje janë Vrapçishti me 2.54%, Sopishtë 3.93%, Bogovinë 4.48%.
Në zgjedhjet e sotme, votimi po zhvillohet në 3,474 vendvotime, ku 1,832,415 qytetarë mund të ushtrojnë të drejtën e tyre të votës deri në orën 19:00.
Në zgjedhjet lokale të vitit 2025, ka gjithsej 309 kandidatë për kryetarë komunash dhe 576 lista për anëtarë të këshillave komunale me gjithsej 10,490 kandidatë.
