Disa litra qumësht, pije e detergjent, është kjo shporta e cila çiftit Beijqi u kushtoi mbi 30 euro.
Ngritja e çmimeve çdo herë e më shumë po bëhet e papërballueshme për këta pensionistë.
Hajrie Beijqi tregon se si po ia dalin muajin me pensionet që marrin pas shtrenjtimeve të produkteve bazike.
“Me të kallxu të drejtën ne jemi dy vetë edhe ja dalim, mirëpo dikush që është më kallabllak nuk ia del me këto çmime”.
Madje sipas, bashkëshortit të saj, Zenuin Beijqit, çmimet janë dyfishuar krahasuar me vitin e kaluar.
“Me një pension 200 euro… kundrejt vjet gati 50 për qind më shtrenjtë, se gjithë marrë gjëra ushqimore dhe e dijë qysh janë çmimet”.
Ai madje thotë se produktet ushqimore në Kosovë janë me shtrenjtë se sa në Gjermani.
“Një shpaget në Gjermani është 0.45 cent, ndërsa këtu një euro e ku është rroga e Gjermanisë e ku është e këtuhit, e për ne pensionera veç me dek krejt”.
Që çmimet e produkteve janë ngritur e thotë edhe Agjencia e Statistikave të Kosovës në raportin e saj të fundit.
Çmimet e pemëve, kafes, çajit, qumështit, djathi e vezëve, mishit, bukës, drithërave e shumë produkte të tjera janë ngritur për 4.7% në shatorin e këtij viti krahasuar me shtatorin e vitit 2024.
Njohësi i çështjeve ekonomike, Adem Qorolli e quan alarmante ketë rritje. e cila sipas tij po bëhet barrë për qytetarët.
“Në Kosovë pritet një valë e re e inflacionit ky produkt do të sjellë përveç migrimit që është e pashmangshme por edhe mbylljen e vendeve të punës … Rritja prej 4.5% apo mbi 14% të produkteve ushqimore është alarmante dhe është një finesë e fundit që ekonomia e Kosovës është drejt kolapsit dhe institucionet e kësaj drejt fokusimit në fushatë që apo arrinin ta ndajnë pushtetin me njeri tjetrën. Firmat çdo ditë janë të mbyllura, çdo ditë institucionet nuk janë më krahu i djathtë i ekonomisë, por janë vetëm barrë financiare”, tha Qorolli.
Sipas të dhënave të ASK-së, rritje krahasuar me shtatorin e vitit të kaluar kanë pësuar edhe biletat e fluturimit si dhe energjia elektrike.
