Gjykata Themelore në Prizren ka caktuar masën e paraburgimit prej një muaji ndaj Bashkim Gashit, i cili dyshohet se mesnatën e 17 tetorit sulmoi me thikë gruan e tij dhe vajzën e saj të mitur në Prizren.
Gjykata ka konstatuar se kërkesa e Prokurorisë ishte e bazuar, pasi Gashi dyshohet për vrasje të rëndë në tentativë dhe armëmbajtje pa leje.
Gruaja 49-vjeçare dhe e bija 12-vjeçare morën plagë në pjesë të ndryshme të trupit dhe janë hospitalizuar për intervenim kirurgjik.
Sipas mjekut kujdestar në Spitalin e Prizrenit, gjendja e tyre është stabile dhe ato janë nën monitorim të vazhdueshëm në mjekimin intensiv qendror.
Ndërkaq, i dyshuari u arrestua në hyrje të banesës nga ana e Policisë së Kosovës.
