Policia e Kosovës ka ndërmarrë një aksion në komunën e Kllokotit, pas dyshimeve se përfaqësues të Listës Serbe, përmes strukturave paralele, kanë përdorur dokumente të falsifikuara për votim me asistencë.
Lajmi është konfirmuar nga burime të Tëvë1, të cilat kanë siguruar edhe pamje nga vendi i ngjarjes, ku shihet prezenca e njësive të policisë gjatë zhvillimit të aksionit.
Ende nuk ka një konfirmim zyrtar nga Policia e Kosovës apo nga Prokuroria lidhur me të arrestuar apo sekuestrime të mundshme gjatë aksionit, por pritet që institucionet përgjegjëse të japin më shumë detaje në orët në vijim.
