Sekretar i përgjithshëm i Federatës Europiane të Gazetarëve, Ricardo Gutierrez ka kërkuar nga institucionet e Kosovës që të hetojnë dhe ndjekin penalisht personat që kërcënuan e ekipin e Tëvë1 në Zveçan.
Gutierrez ka thënë se një sjellje e tillë duhet të dënohet fuqishëm.
“Mbështetje e plotë nga Federata Evropiane e Gazetarëve – EFJ. U bëjmë thirrje autoriteteve të Kosovës të hetojnë këto akte frikësimi dhe të ndjekin penalisht autorët. Një sjellje e tillë duhet të dënohet fuqimisht”, ka shkruar ai.
Zyrtari policor Gazmend Kajtazi ka kërcënuar gjatë ditës së sotme një ekip të TËVË1, të përbërë nga gazetari Venhar Isufi dhe kameramani Valmir Gashi.
Kërcënimi ka ndodhur vetëm një ditë pasi TËVË1 raportoi për dyshimet e bazuara se Kajtazi është duke bashkëpunuar me kontrabandës në veri të vendit, si dhe për dyshimet e organeve të sigurisë, se Kajtazi është i përfshirë edhe në bashkëpunim me BIA-n serbe.
Për kërcënimin ka reaguar edhe AGK duke dënuar këtë rast.
Ekskluzive – zyrtari policor në veri dyshohet se ka lidhje me grupin e Millan Radoiçiq
