Në Gjykatën Themelore të Prishtinës ka vazhduar të enjten gjykimi ndaj ish-kryeshefit ekzekutiv të Korporatës Energjetike të Kosovës (KEK), Nagip Krasniqi, i akuzuar për keqpërdorim të detyrës zyrtare.
Në këtë seancë nisi dëshminë Hasan Kerolli, ekspert i lartë për analiza të tregut dhe tregtimin e energjisë.
Krasniqi është deklaruar i pafajshëm në të gjitha seancat e mëparshme, përfshirë atë fillestare të mbajtur më 8 tetor 2024 dhe seancën e 3 korrikut 2025.
Sipas aktakuzës së ngritur nga Prokuroria Speciale e Republikës së Kosovës më 19 gusht 2024, Krasniqi akuzohet për veprën penale “Keqpërdorimi i pozitës apo autoritetit zyrtar”.
