Presidenti turk, Recep Tayyip Erdogan ka thënë të martën se deklarata katërpalëshe e nënshkruar në samitin në Sharm el-Sheikh, mund të shënojë një moment të ri në rrugën për paqen e qëndrueshme në rajon.
Duke iu drejtuar një aktiviteti të Partisë së tij për Drejtësi dhe Zhvillim (AK) në kryeqytetin Ankara, Erdogan tha se hapat për rindërtimin e Gazës do të diskutohen dhe vendosen së bashku me SHBA-në dhe vendet e Gjirit, citon Anadolu.
Komentet vijnë pas samitit të së hënës në qytetin turistik egjiptian Sharm el-Sheikh, ku Presidenti i SHBA-së Donald Trump dhe Presidenti egjiptian Abdel Fattah al-Sisi pritën më shumë se 20 liderë botërorë, përfshirë Erdoganin, për të nënshkruar një dokument mbi marrëveshjen e armëpushimit në Gaza që i dha fund luftës.
Më herët të hënën, filloi lirimi i palestinezëve të burgosur në burgjet izraelite pasi Hamasi liroi të 20 pengjet izraelitë që mbaheshin gjallë në Rripin e Gazës.
