Njohësi i qeverisjes lokale, Shkëlqim Jakupi është shprehur i bindur se pjesëmarrja e qytetarëve në zgjedhjet lokale të 12 tetorit ka qenë mbi 40%, duke pretenduar se ajo ka arritur deri në 70%.
Sipas tij, faktorët që ndikojnë në përcaktimin e saktë të përqindjes së pjesëmarrjes tregojnë qartë një përfshirje shumë më të madhe të qytetarëve sesa ajo që raportohet zyrtarisht.
“Absolutisht, përqindja nuk është reale. Duke pasur parasysh se numri i banorëve rezidentë në Kosovë nuk e arrin shifrën prej 2 milionë, si dhe duke llogaritur qytetarët nën moshën 18 vjeç të cilët nuk kanë të drejtë vote, ne jemi të bindur që, duke marrë parasysh të gjithë këta faktorë, pjesëmarrja reale në zgjedhjet e 12 tetorit kalon 70%”, ka deklaruar Jakupi në emisionin “Ditari” në Teve1.
