Para orës 6;30, ekipet e televizionit Tëvë1, u pozicionuan në qendra të ndryshme në territorin e Kosovës.
14 ekipe te gazetarëve së bashku me kameramanët përcollën gjithë procesin zgjedhor nga Peja në Kamenicë, nga Dragashi në Mitrovicë të Veriut, e në çdo cep të vendit.
Për më shumë se 16 orë në transmetim të drejtpërdrejt ata sollën detaje nga qytete e fshatra të ndryshme të Kosovës.
Kjo u mundësua edhe nga puna e palodhshme e stafit teknik, brenda dhe jashtë objektit të TËVË1.
Lidhjet e para nisën në qendrat e votimit në Prishtinë, Fushë Kosovë, Drenas, Podujevë, Mitrovicë e Veriut ajo e Jugut,Gjilan, Hani i Elezit, Pejë, Gjakovë, Prizren, për të vazhduar pastaj në qytetet tjera.
Ndonëse e diela, ishte ditë pushimi, një pjesë e qytetarëve edhe këtë ditë punuan.
E gazetarët e Tëvë1 përmes ekranit të Tëvë1, përcollën atmosferën në ditën e zgjedhjeve edhe në vendet larg qendrave të votimit.
Ngritja e temperaturave bëri që shumë qytetarë të shijojnë ditën me diell, e disponimin në ditën e zgjedhjeve për të votuar e përcollën ekipet e televizionit.
Mbulimi zgjedhjeve nga ekipe të shumta të gazetarëve solli edhe ngatërresa.
E gjatë raportimit të drejtpërdrejtë për më shumë se 16 orë, gazetarët patën edhe disa telashe.
Qentë endacakë e bletët tentuan të pengojnë punën e gazetarëve.
Dita maratonike solli edhe lapsuse.
Transmetimi i drejtpërdrejtë bëri që gazetarët në orët e fundit të ishin më të lodhur e disa edhe të kishin të ftohtë.
Raportimet e tyre përfunduan nga atmosfera festive në orët e vona të së dielës në qytetet e ndryshme të Kosovës.
E për argëtimin e qytetarëve, në periudha të ndryshme të ditës, u përkujdesën aktorët e Logjikonomisë.
