Në Qendrën e Numërimit në Prishtinë ka nisur numërimi i votave për kandidatët për asamble komunale.
Zëdhënësi i KQZ-së, Valmir Elezi ka thënë se sipas ligjit numërimi i këtyre votave bëhet në qendrat komunale.
Ai ka thënë se numërimi i votave për kandidatët për asamble ka nisur pasdite edhe në komunat tjera, kurse në tri komuna ka filluar në mesditë.
“Votat e kandidatëve për asamble komunale numërohen në qendrat komunale të numërimit, proces i cili realizohet përmes ekipeve të numërimit. Në këto qendra do të bëhet edhe verifikimi i rezultateve të formularëve të plotësuar në vendvotime. Ky proces ka filluar në tri komuna në ora 12:00 dh në Prishtinë edhe komunat tjera ka filluar tani “, tha Elezi.
Në Prishtinë deri tash janë numëruar 94,78 % e votave për subjektet politike për asamble komunale.
LDK është e para me 28,98%, e dyta PDK 22,58% e treta LVV me 21,56%.
Rezultatet për subjektet politike
