Po i largojnë fidanët e dëmtuara nga breshëri.
Stuhia që goditi të hënën fshatin Sibovc të Podujevës, i shkatërroi një pjesë të madh të kulturave bujqësore familjes Hyseni. E bujku Skënder Hyseni, thotë se të mbjellat e tij, zakonisht i eksporton edhe në Gjermani, Suedi e vende të tjera.
Investimet për këto kultura bujqësore sipas Hysenit nuk ishin të vogla.
Por pakënaqësitë e tij janë edhe në përgjithësi me punën që ka bërë pushteti lokal e qendror për bujqit.
Stuhia e së hënës, përfshiu edhe fshatin Batllavë të Podujevës, kështu, familja Hyseni nuk është e vetmja që ka pësuar dëme në të mbjella.
“Përafërsisht i kemi diku 200 kumbulla dhe 600 molla përafërsisht është diku afër 2 mijë euro dëmi po edhe këto që kanë mbetë rrezikojë të bien më vonë dhe është dëmi më i madh. Presim nga komuna që të na dalë në ndihmë”, tha Florim Statovci.
Për të parë gjendjen në teren, dolën edhe ekipe nga Komuna e Podujevës. Mirëpo këta të fundit thanë se vlerësimi i dëmeve është akoma herët të bëhet.
“Që nga orat e hërshme të mëngjesit së bashku më drejtorin e shërbimeve publike mbrojtje dhe shpetim më kryetarin e komisionit për demë pranë Kuvendi Komnal jemi në tërren duke bërë një shiqim të vendit të ngjarjes për shkak të reshjeve që kanë ndodhur. Por dëmët sa janë nuk e kemi një vlerësim totale po kjo do të bëhet në dtet në vijm po shpresoj që ta të kompensohen për demet shkaktuara”, tha Fatmir Rudari, drejtor për Bujqësi në Komunën e Podujevës.
Fshatrat më të prekur nga stuhia në Komunën e Podujevës janë Sibovci, Batllava e Gllamniku .
Raporti i gazetares Doresa Geci.