Pas tri votimeve të dështuara për deputetin Sllavko Simiq për postin e nënkryetarit të Kuvendit nga komuniteti serb, Lista Serbe ka propozuar një kandidat të ri, Zlatan Elek.
Në votimin e parë, kandidatura e Elekut mori:
9 vota për,
52 kundër, dhe
42 abstenime.
Në raundin e dytë, votat ishin të njëjta si në të parin, dhe kandidatura përsëri nuk kaloi.
Në votimin e tretë, kandidati Elek gjithashtu nuk u zgjodh, duke shënuar kështu dështimin e radhës për Listën Serbe.
Sipas vendimit të Gjykatës Kushtetuese, secili kandidat mund të propozohet vetëm tri herë, dhe pasi Elek nuk arriti të sigurojë votat e nevojshme, ai nuk mund të votohet më. Rrjedhimisht, me dështimin e kandidaturave të Sllavko Simiq dhe Zlatan Elek, Kuvendi mbetet pa nënkryetarin e komunitetit serb.
