Presidenti i SHBA-së, Donald Trump, tha të enjten se pengjet në Gaza duhet të lirohen të hënën ose të martën dhe se shpreson të marrë pjesë në një ceremoni nënshkrimi në Egjipt, raporton The Guardian.
Trump hapi takimin e kabinetit në Shtëpinë e Bardhë për të diskutuar marrëveshjen e arritur të mërkurën, sipas së cilës pengjet e mbajtura nga Hamasi do të lirohen si pjesë e fazës së parë të një plani më të gjerë për Gazën.
Ai tha se besonte se kjo do të çonte në “paqe të qëndrueshme”.
Trump shpalli atë që e quajti “fundi i luftës në Gaza” dhe pretendoi se Gaza do të “rindërtohet”, duke shtuar se sulmi ndaj Iranit luajti një rol “të rëndësishëm” në përfundimin e konfliktit.
