Presidenti ukrainas, Volodymyr Zelenskyy në një konferencë për gazetarët ka thënë se do të nominonte presidentin amerikan, Donald Trump për çmimin Nobel për Paqen nëse do të siguronte një armëpushim për Ukrainën, raporton Reuters.
Në komentet e publikuara të enjtën, Zelenskyy tha se: “Nëse Trump i jep botës – mbi të gjitha, popullit ukrainas – mundësinë për një armëpushim të tillë, atëherë po, ai duhet të nominohet për çmimin Nobel për Paqen”.
Ai tha se këtë do ta bënte në emër të Ukrainës. Ky propozim i tij vie dy ditë para shpalljes së fituesit të këtij viti.
Zelenskyy ka punuar shumë për të fituar mbështetjen e Trump dhe duket se po bën disa përparime.
Raketat Tomahaëk janë në krye të listës së dëshirave të Kievit për armët amerikane, të cilat beson se mund t’i shkaktojnë dëme serioze Rusisë dhe ta detyrojnë atë të ulet në tryezën e negociatave.
Trump, i cili ka shprehur zhgënjim me Vladimir Putinin e Rusisë, ka sinjalizuar se është i hapur për t’i ofruar ato.
Presidenti amerikan ka thënë se e meriton çmimin Nobel, të dhënë katër paraardhësve të tij në Shtëpinë e Bardhë, për atë që ai e ka përshkruar si përpjekjet e tij në sigurimin e marrëveshjeve të shumta të paqes.
