Kreu i Aleancës për Ardhmërinë e Kosovës, Ramush Haradinaj, ka mirëpritur arritjen e marrëveshjes së fazës së parë në Lindjen e Mesme, duke e cilësuar atë si një hap të rëndësishëm drejt normalizimit dhe paqes afatgjatë në rajon.
Përmes një postimi në Facebook, Haradinaj theksoi:
“Kjo marrëveshje historike është hapi i parë i normalizimit dhe besimit në një paqe të qëndrueshme dhe afatgjate.”
Ai gjithashtu shprehu falënderime për përfshirjen e Turqisë dhe vendeve aleate në këtë proces:
“Mirënjohje përfshirjes aktive të Turqisë dhe shteteve tjera aleate në arritjen e këtij momentumi.”
Në fund të postimit, Haradinaj përmbylli me një mesazh mirënjohjeje për ata që punojnë për paqen:
“Të bekuar janë paqevënësit.”
