Presidenti palestinez, Mahmoud Abbas, ka përshëndetur marrëveshjen për Gazën, duke thënë se shpreson që ajo të jetë një hyrje drejt arritjes së zgjidhjes me dy shtete për konfliktin izraelito-palestinez, sipas agjencisë së lajmeve Wafa.
Ai vlerësoi përpjekjet e bëra nga Trump dhe të gjithë ndërmjetësit – Katari, Egjipti dhe Turqia, dhe shprehu gatishmërinë e Autoritetit Palestinez për të punuar me ta për të siguruar suksesin e punës së tyre, raportoi agjencia.
Abbas ripërsëriti se sovraniteti mbi Gazën i takon shtetit palestinez dhe lidhja midis Bregut Perëndimor të okupuar dhe enklavës duhet të arrihet përmes zbatimit të ligjeve palestineze dhe veprimit të institucioneve qeveritare palestineze, thuhet në raport.
