Presidenti turk, Recep Tayyip Erdogan, riafirmoi të mërkurën angazhimin e Turqisë për krijimin e një shteti palestinez, duke thënë se ai “patjetër” do të krijohet bazuar në kufijtë e vitit 1967, me kryeqytet Jerusalemin Lindor.
“Ashtu siç fituan lirinë vëllezërit dhe motrat tona sirianë, një shtet palestinez i bazuar në kufijtë e vitit 1967 me Jerusalemin Lindor si kryeqytet do të krijohet patjetër”, tha Erdogan, duke folur në takimin e grupit të Partisë për Drejtësi dhe Zhvillim (AK) në kryeqytetin Ankara.
Presidenti theksoi se paqja në rajon nuk mund të bjerë vetëm mbi palestinezët ose Hamasin. “Paqja nuk është një zog me një krah. Vendosja e gjithë barrës së paqes mbi Hamasin dhe palestinezët nuk është as e drejtë, as një qasje realiste.”
Ai dënoi sulmet e vazhdueshme izraelite në Gaza, duke bërë thirrje për një ndalim të menjëhershëm, shkruan Anadolu.
“Izraeli vazhdon sulmet e tij që dëmtojnë atmosferën pozitive pavarësisht thirrjeve të qarta të zotit Trump. Nëse paqja dëshirohet vërtet, sulmet e Izraelit duhet të ndalen menjëherë”, tha ai.
