Byroja e Asamablesë Nacionale të Francës ka refuzuar të mërkurën mocionin për shkarkimin e presidentit Emmanuel Macron, duke e cilësuar propozimin “të papranueshëm”, sipas transmetuesit francez të lajmeve BFMTV.
Mocioni i cili u dërgua nga ligjvënësit e partisë së të majtës ekstreme France Unboëed (LFI) , dhe disa deputetë të së Gjelbrës, akuzuan Macron se është përgjegjës për krizën e vazhdueshme politike.
Iniciativa dështoi të kalojë fazën e parë procedurale në Byronë e Asamblesë,, e cila duhet të aprovojë çdo tentim për shkarkim para së të vazhdojë më tutje, citon Anadolu.
Koordinatori nacional i LFI, Manuel Bombard ka thënë në një postim në rrjetin social X se anëtaret e krahut të majtë votuan në favor të mocionit, përderisa deputetët nga partia e Macronit Renaissance dhe republikanët konzervatorë votuan kundër.
Më herët këtë vit, 104 ligjvënës opozitarë thirren për shkarkimin e Macron ,duke e fajësuar atë për thellimin e krizës politike e cila u nxit nga vendimi i tij në 2024 për të shpërbërë parlamentin dhe thirr zgjedhje të parakohshme.
Bllokimi politik që pasoi zgjedhjet e parakohshme ka dërguar në kriza të përsëritura qeveritare, me Francën që ndërroi 3 kryeministra vitin e kaluar.
I fundit, kryeministri Sebastien Lecornu, dha dorëheqjen më 6 tetor për shkak të mosmarrëveshjeve të vazhdueshme për buxhetin dhe paqëndrueshmërisë.
