Interi ka vendosur të aktivizojë opsionin e blerjes për Manuel Akanjin me vlerë 15 milionë euro, për ta bërë marrëveshjen e tij të përhershme nga Manchester City në fund të këtij sezoni, raporton eksperti i merkatos Nicolo Schira.
Mbrojtësi zviceran, i cili iu bashkua zikaltërve në formë huazimi në ditën e fundit të afatit të verës, ka bindur drejtuesit e klubit me paraqitjet e tij të sigurta dhe të qëndrueshme.
Ai ka qenë titullar në të katër ndeshjet e Serie A këtë sezon, duke u bërë një pjesë kyçe e mbrojtjes së Christian Chivus.
30-vjeçari raportohet se është i gatshëm të bëhet pjesë e projektit afatgjatë të Interit dhe ka rënë dakord për kushtet personale me klubin italian.
Marrëveshja e re pritet të zgjasë deri në vitin 2029, me një pagë vjetore prej 4.5 milionë eurosh.
Ky transferim do t’i japë Interit një garanci të madhe në prapavijë, ndërsa Akanji shihet si pasardhës i natyrshëm i veteranëve të mbrojtjes zikaltër në një fazë rinovimi të skuadrës.
