Përgatitjet e fundit po bëhen.
Edhe diskutimi, është i nivelit të lartë ushtarak.
E tema e bisedës, është kjo uniformë, e cila u vendos në hyrje të Qendrës Tregtare “Prishtina Mall”.
Bëhet fjalë për uniformën e veteranit të UÇK-së, ideator i së cilës është vet Ferid Berisha, i njohur si komandant “Shkupi”.
Kështu nga e hëna, vizitorët e kësaj qendre tregtare, do të kenë mundësinë ta shohin edhe nga afër se si duket kjo uniformë.
“Duke e parë që po afrohen edhe festat kombëtare, si 28 nëntori dhe me propozim dhe kërkesë të Prishtina Mall të cilët i falënderojmë, ne sot e kemi vendos uniformën të kompletuar, origjinal siç duket dhe si duhet të vishet”, ka thënë komandat Shkupi.
Për shpalosjen e kësaj uniforme rrugën për në Kosovë, e morën edhe veteranët kroatë.
Këtyre të fundit, iu priu ish-oficeri shqiptar në ushtrinë kroate Esad Qollaku.
“Ju e dini që UCK ka pasur pjesëtar nga të gjitha të gjitha viset e Evropës, dhe nga viset që kanë ardhur kanë bartur edhe uniformat ushtarake të atyre vendeve, gjermane, zvicerane, amerikane etj. Ato nuk e simbolizonin një bashkim të të gjithëve dhe nuk ishte një faqe e mirë e shikimit nga jashtë”, është shprehur tutje Qollaku.
Por, si erdhi deri tek ideja që ish-ushtarët e UÇK-së, të identifikohen me këtë uniformë?
“Kemi në ardh në përfundim, duke e kombinuar uniformën amerikane, kroate dhe disa të tjera, kemi ardh në përfundim duke e krijuar këtë dizajn. Shenjat që i kemi ne, fillon me flamurin kombëtar që nënkupton se kombi shqiptar e ka krijuar UCK-në, dhe këto të dyja bashkë i kanë krijuar brigadat e pastaj u krijua shteti i Kosovës”, ka folut tutje komandat Shkupi.
E Qollaku thotë se për kroatët duket i çuditshëm fakti që një uniformë e tillë i mungoi veteranëve të UCK-së, për plot 26 vjet.
“Kjo është pyetjë që duhet t’i bëhët politikanëve të Kosovës, ministrave tanë, sepse na kanë anashkaluar në cdo formë dhe cdo qeveri. E kërkonin votën tonë në një moment të caktuar dhe fare nuk janë marrë me një ide sic e kanë kroatët, promovimin e luftës. Fëmijët tanë në shkolla ende nuk e mësojnë luftën e UCK-së”, ka theksuar Qollaku.
Bashkë me uniformën, u vendos edhe ky kod, përmes së cilit mund të porositet uniforma e veteranit.
