Kryetari dhe kandidat sërish për të parin e Mitrovicës së Veriut nga Lëvizja Vetëvendosje (LVV), Erden Atiq, ka folur për sfidat dhe vështirësitë me të cilat është përballur gjatë qeverisjes së tij.
Atiq, theksoi se përveç sfidave politike, administrative, ndikimit serb e kërcënimeve që ka pasur, ai thotë se është ballafaquar me presion edhe nga mediat.
Ai në këtë kontekst përjashtoi medium Tëvë1, duke e falënderuar për raportim korrekt në katër komunat veriore.
Ai shtoi se këto sfida nuk e kanë ndalur në përpjekjet për të përmirësuar qeverisjen lokale dhe për të shërbyer për qytetarët e Mitrovicës së Veriut.
“Falënderoj televizionin e juaj keni pasur një raportim në këto kohë shumë të vështira, keni pasur raportim korrekt. Ndiej keqardhje për të gjithë gazetarët, të cilët janë kërcënuar, janë rrezikuar dhe kanë pasur lëndime. Ka pas edhe televizione të tjera që na kanë bërë presion, më kujtohet se më 19 maj 2023 në seancën e betimit kur e kam pas ka qenë aty një reporter i çuditshëm, kur unë në konferencë pasi që dola prej sallës, pa dyshim që ishte një ditë historike – ka bërë pyetje pa takt, pa kurrfarë kulture, ka qenë në një nivel tepër të ulët. Atë ditë u ballafaqova me 30 kamera e gazetarë, vendorë e të huaj, e ndërkombëtarë. Ka qenë një goditje shumë e padrejtë”, tha ai në emisionin “Këndi i Debatit” në Tëvë1. /teve1.info/
