Për herë të parë në Kosovë, këtë të enjte u inaugurua laboratori i Shkencave Sociale.
Gjithë ky projekt në Universitetin Publik “ Kadri Zeka” në Gjilan u mundësua fal mbështetjes financiare nga kompania e parë e internetit në Kosovë, “Telkos”.
Nga Universiteti është vlerësuar se ky laborator është një investim i duhur dhe i qëlluar.
“Është një punë e jashtëzakonshme edhe puna logjistike që është bërë se për qëllimin dihet nuk kemi çka me fol? Faleminderit kompanisë “TELKOS” unë si rektor mundem me ju siguri se në mbledhjen e ardhme të senatit do vendosim që kjo sallë të marrin emrin e kompanisë që e ka mbështet sepse është më e pakt që mund të bëjmë. Unë mendoj se ne duhet te krenohemi më këtë ne si fakultet se nuk e di që ka një të dytë në Kosovë me një format të tillë tani hapësirat i keni na duhet rezultate e punimet”, ka thënë Dërmaku.
E se për çfarë do të shërbejë një laborator i tillë e tregoi vetë Dekani i fakultetit të Shkencave Sociale, Selim Daku.
“Laboratori do të shërbejë si një tender praktike për studente e staf akademik, për zbatimin e metodave shkencore, si ato kualitative, përfshire intervistat e thella, analizën e përmbajtjes, fokus grupet dhe metodat kuantitative, si anketimet me pyetësorë te strukturuar, dhe shumë metoda te tjera te veçanta e tê kombinuara te shkencave bashkëkohore sociale”, është shprehur Daku.
Ky projekt nënvizon angazhimin e Telkos-it për investime në arsim dhe inovacion, duke treguar se kompania nuk është vetëm ofrues i shërbimeve të internetit, por edhe partner strategjik i zhvillimit të arsimit në Kosovë.
“Për mua si drejtor i kompanisë “Telkos” dhe përfaqësuese i kësaj firme është nder i veçantë dhe po ndihem i privilegjuar. Njëkohësisht i falënderoj edhe pronarët Avni dhe Elhami Haziri që kanë shprehur dëshirën dhe vullnetin për një investim te tillë. Unë, mësova prej Dekanit që ky investim qenka laboratori i parë e kjo ende më shumë na e ka shtuar gëzimin e krenarinë se ne jemi të parët që kemi bërë diçka të tillë me Universitetin “Kadri Zeka”.Shpresoj që të përdorini për të mirë dhe në të ardhmen të mundoheni të bëni më të mirën se vetëm atëherë do të kemi rezultate të mira, në të kundërtën dihet shpresojmë të përdoret për të mirë për të ardhmen për gjeneratat dhe për shtetin e Kosovës”, ka theksuar Morina.
E pas gjithë ceremonisë së inaugurimi të pranishmit u ftuan për një koktej rasti.
