Pasi u konfirmua se sezoni 2025/26 në Superligën e Kosovës në basketboll nis këtë vikend, Federata ka bërë ndryshime në orarin e ndeshjeve të xhiros së parë.
Xhiroja e parë, do të luhet të shtunën dhe dielën, ku në program janë katër ndeshje.
Megjithatë, një prej tyre do të luhet të shtunën kurse tri tjera të dielën për ta mbyllur xhiron e parë.
Xhiroja hapet të shtunën më përballjen ndërmjet Golden Eagle Yllit dhe Sigal Prishtinës, që luhet në palestrën “13 Qershori” në Suharekë dhe nis në orën 19:00.
Të dielën, do të zhvillohen duelet Vëllaznimi – Bashkimi dhe Bora – Rahoveci, që startojnë prej orës 17:00 kurse ndeshja derbi mes Trepçës dhe Pejës nis në orën 19:00.
