Francesca Albanese, raportuesja speciale e OKB-së për territorin e pushtuar palestinez, ka vënë në pikëpyetje pse kombet anembanë botës nuk janë përpjekur të thyejnë bllokadën detare të ushtrisë izraelite ndaj Gazës, ku Izraeli akuzohet për gjenocid dhe organizim të urisë kundër civilëve.
Nëse “qytetarët e botës”, që udhëtojnë në “anije të vogla dhe me burime të pamjaftueshme”, kanë qenë në gjendje të shkojnë brenda 60 miljeve detare (111 km) nga Gaza në një flotë, Albanese pyeti pse vendet me marina të pajisura mirë nuk mund ta thyejnë shumë më lehtë rrethimin izraelit.
“Pse shtetet nuk e thyejnë bllokadën me marinat e tyre?”, pyeti Albanese në një postim në mediat sociale.
“A është kjo bota në të cilën jetojmë? Jo, ne nuk e pranojmë”, tha ajo.
Albanese ka qenë një kritike e hapur e regjimit izraelit dhe gjenocidit në Gaza. Ajo më parë u sanksionua nga Shtetet e Bashkuara të Amerikës pas kritikave të saj në lidhje me bashkëfajësine e fuqive në luftën e Izraelit në enklavë.
Izraeli ka vrarë më shumë se 66,000 palestinezë që nga tetori i vitit 2023, shumica prej tyre gra dhe fëmijë, sipas raportimit të Ministrisë së Shëndetësisë në territor.
OKB së fundmi erdhi në përfundim se Izraeli ka kryer gjenocid në Gaza, dhe u bëri thirrje shteteve që ta ndalojnë atë në përputhje me ligjin ndërkombëtar.
60 nautical miles? Wow.
If ordinary citizens of the world, with small and underresourced boats can do that, why states don’t break the blockade with their navies?
Is this the world we live in? No, we do not accept it.
Go, go Flotilla! Sail safe.
God’s wind. https://t.co/sOjSBJNi87— Francesca Albanese, UN Special Rapporteur oPt (@FranceskAlbs) October 1, 2025
