Deputeti i AAK-së, Lahi Brahimaj ka deklaruar se partia fituese e dalë nga zgjedhjet 2025, LVV nuk ka interes për të dalë nga ngërçi politik tash e ca muaj.
I ftuar në emisionin “Mesditë” në Tëvë1, Brahimaj thotë se AAK nuk voton për prej cilido kandidatë të Listës Serbe.
Derisa, ai shtoi se VV ka propozuar emra të cilët siç tha ai, kanë qenë irritues për partitë opozitare.
Ndërkaq, e vetmja zgjidhje që Kosova të dalë nga kjo situatë e bllokuar të ngërçit politik, sipas deputetit, janë zgjedhjet e reja.
“Asnjëherë Vetëvendosje nuk ka treguar një interes për të dalë nga ajo situatë, edhe kësaj radhe VV nuk është e interesuar për të dalë nga kjo situatë, sikurse njejtë edhe Lista Serbe. AAK, respektivisht unë nuk kam votë për cilëndo prej kandidatëve të Listës Serbe. LVV dhe Lista Serbe kanë një marrëveshje, Rashiqi mendoi që nuk është një serb më i mirë se një tjetër. Nuk besoj që do të ketë një zgjidhje dhe e vetmja zgjidhje janë zgjedhjet e reja. Në fakt në këto rrethana që jem duket që zgjidhja më e mirë janë zgjedhjet, nuk ka dalje tjetër.
“Unë mendoj që kanë kontribuar partitë që nga seanca e parë, kemi dhënë alternativën nuk do i votojmë këto figura, por do i votojmë këto figura dy gra të ndershme Shqipe Selimi dhe Saranda Bogujevcin, pastaj Glauk Konjufcën. VV nuk ka qenë e interesuar me dalë nga ngërçi, në shumicën e rasteve ata kanë propozuar emra që janë irritues për opozitën”, ka deklaruar Brahimaj./teve1.info/
