Financimi për qeverinë amerikane është ndërprerë pasi Partia Republikane e presidentit amerikan, Donald Trump ka dështuar të bie dakord me demokratët e opozitës për një rrugë përpara në një projektligj shpenzimesh.
Kjo do të thotë se disa, por jo të gjitha, shërbimet qeveritare po ndalen përkohësisht.
E gjithë kjo ka ndodhur pasi që republikanët dhe demokratët nuk kanë mundur të mirren vesh për të kaluar një projektligj që financon shërbimet qeveritare për muajin tetor dhe më tej.
Republikanët kontrollojnë të dyja dhomat e Kongresit, por në Senat – ose dhomën e lartë – ju mungojnë edhe 60 vota për të kaluar projektligjin e shpenzimeve.
Të dyja palët kanë qenë në një kundërshtim në lidhje me shpenzimet
e kujdesit shëndetësor, dhe demokratët kanë refuzuar të mbështesin një projektligj republikan që sipas tyre do ta bëjë më të vështirë për amerikanët të përballojnë kujdesin shëndetësor.
Ata po bëjnë thirrje për një zgjatje të kredive tatimore – të cilat do të skadojnë – që e bëjnë sigurimin shëndetësor më të lirë për miliona amerikanë, si dhe për një anulim të shkurtimeve të bëra nga Trump në Medicaid. Demokratët gjithashtu kundërshtojnë shkurtimet e shpenzimeve për agjencitë qeveritare shëndetësore.
Një projektligj i përkohshëm u miratua më parë në Dhomën e Përfaqësuesve, ose në dhomën e ulët, por ende nuk është miratuar në Senat.
Dhe kështu, në orën 00:01 me orën lokale, u bë zyrtare: SHBA-të patën mbylljen e parë të qeverisë pas gati shtatë vjetësh./BBC
